1.1.12

Pe

A risco de resultar pedante, direi que empezo o ano con bo pe, de poesía. Empezo con forza e cargadiña de proxectos, que son a mellor gasolina pra ir arrincando motores nesta nova autoestrada  (esperemos que non se convirta nunha pista de terra, de tanto recorte e tanta austeridade...)

Se todo vai ben, pra finais de mes sacarei do forno un CD cos audiopoemas que fun cociñando ultimamente. Serán 12 pistas de paranoias auditivas, pra escoitar na casa, na rúa, no Bershka, ou en calquera destes inventos tecnolóxicos que teñen unha i pegada ó principio do nome.

De momento, aquí deixo unha pílula sonora pra aliviar a resaca post-fin de ano.

Saúde, e feliz ano!